Byddwch yn Ffrind

Os ydych chi wedi mwynhau ymweliad ag un o’r arddangosfeydd haf blynyddol o gwiltiau yng Nghanolfan Celfyddydau Minerva, neu os oes gennych chi ddiddordeb mewn cwiltiau treftadaeth, yna beth am ystyried ymuno â’r Gymdeithas Gwiltiau fel Cyfaill?

Byddwch chi’n helpu i sicrhau dyfodol Casgliad Cwiltiau Treftadaeth Cymru, sydd yn y Ganolfan yma yng Nghymru. Fel Cyfaill, byddwch chi’n cael y cyfle i astudio cwiltiau o’r casgliad ar gyfer ymchwil bersonol neu ddibenion addysgol. Gall Cyfeillion gysylltu â’r curadur i drefnu apwyntiad ar gyfer ymweliad o’r fath.

Ar wahân i’n helpu ni i dyfu a chynnal ein casgliad, mae Cyfeillion yn elwa o gael mynediad am ddim i’r arddangosfa haf flynyddol, ac yn derbyn cylchlythyr chwarterol sydd â gwybodaeth am arddangosfeydd, a rhybudd cynnar ynglŷn â digwyddiadau sydd ar y gweill yng Nghanolfan Celfyddydau Minerva yn Llanidloes, fel gweithdai a sgyrsiau.